Ü30 VFRK – AC Virtus Liestal

Letschtes Heimspiel im 2017: Im letschte Spiel vo dr Winterpause isch dr AC Virtus Liestal uf dr Schore zu Gast gseh. Au in däm match sin mir wieder mitem letschte ufgebot aträtte. Zum Glück hän mie relativ grosses Kader, so dass mir trotz 10 (!) Absänze immer no 12 Spieler kha hän. Es het sich somit zeigt dass mir ALLI bruche. Es isch irgendwie e komisches spiel gseh. Dr Wille vo uns e positivs Resultat vo dr Winterpause erreiche het me gseh.

Kampf, liedeschaft und isatz isch alles do gseh. Und trotzdäm sinds nit mir gseh wo in füehrig gange sind. Nachem 0-1 hän mir eifach witer gspielt und kurz druf hätte mir au fast dr usglich gschosse, aber leider isch dr diräkt gschosseni Freistoss vom Cail an d‘latte.

In dr zweiti Halbzyt hän mir denn vo 4-4-2 uf e 3-5-2 umgstellt und mir hän könne e bitzli mehr druck könne mache. Und es het klappt: dr Joker Deniz het in dr 52. Minute gstoche: 1-1! Jetzt hän mir natürlich das 2-1 welle. Mir hän no e paar chance kha. Leider het dr Ball eifach nit ins Goal welle. In dr 70. minute hän mir aber Glück kha. Mitem ghaltene Penalty het dr Sascha dr einzig (!!) Ball ghebt! Das muess me sich emol vorstelle…

Bis uf die erste 2 Mätch hän mir zum Teil sehr gueti Leistige erbrocht. Do ha ich jo scho paar mol dr huet zoge! Das gilts jetzt zbündle und denn kha die Rückrundi eigentlich cho. Wünsch allne gueti Winterpause und bis spötestens 9.11. wenn dr traditionelli Fondueplausch vom VfR rueft!

Text: Coach Taher

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

Subscribe to our mailing list

* indicates required
/ / ( dd / mm / yyyy )